قصيدة (((( شكد حزن (من انين الاحزان)

من طرف انين الاحزان الأحد أكتوبر 12, 2008 5:07 am

[size=21]احبتي هذه القصيدة عبارة عن صورة لواقع حال

شكد حزن
خلفتها بروحي فكرة راح اعوفك
وشكد مرار
العصر كلبي صدك يسمر ما اشوفك
تدري دمعاتي جمر بالروح تنزل
ارد اكلك ما افيدك
توجر برحي قهر ما بية اكمل
شكد حزن
من نفكد احباب الي نحبهم
جنة يمهم
ذكريات شكد حزينة
حتى دمعي ما نزل مني دمع نزل بعينة
اه يا حسره البعد ما اضنها تخلص
اه يا ونة الصفت كلش طويلة
شكد حزن
والله دلالي انكسر ضيع دليه
التمت برحي اضن مليون غصة
تراصفت بكليبي نكبات وفواتح
خذن حصة
والله مابياش اسولف
حزني ما منطيني فرصة
شكد حزن
بكد جهنم طب دليلي
وتحترك حتى جهنم من سعير النار بية
ما جنت اضن يسمر اعوفك
وهيج لحظة تمر علية
واله لحظات العمر كلها بكتر
ولحظة اموادع حبيبي فرهدت مني العمر
الموت اهوت من حياتي
والله انة ارتاح يسمر لو كرب لحظة مماتي
لكن افراكك جمع كل حزن روحي بذكرياتي
حتة حزن الكون لمه وياه حتة
جلب بكلبي غصب عني يعتة
شكد حزن
بية وحزين
حتى ملج الموت ضل يبجي علي
واصبح حزين
شكد حزن لعيونك انتة التم علية
والله ما ادري اذا ضل حيل بية
وية بعدك اشلون اعبرها السنين
شكد حزين
حتى حزني شكد حزين
حتى حزني انكسر كلبة
من سمع جلمة وداع
شكد حزن
ما اضن تحملة الكاع
وبية يحفر بس حزن
شكد حزن

[/size]